Qazaqstandyq kedenshiler Túrkııadan kontrabandalyq taýarlardy jetkizýdiń iri arnasyn japty

ASTANA. 12 shilde. QazAqparat - Kedendik baqylaý komıteti kontrabandaǵa qarsy kúres basqarmasynyń qyzmetkerleri jedel-izdestirý sharalaryn júrgizý barysynda Túrkııa Respýblıkasynan halyq tutynatyn taýarlardy kontrabandalyq jolmen jetkizýdiń kezekti iri arnasyn áshkereledi.

Bul týraly QR QM KBK-niń baspasóz qyzmetinen habarlady.

Almaty qalasynyń aýmaǵynda málimetteri kúmán keltiretin deklaratsııalaý kúdigi boıynsha almatylyq kompanııalardyń biriniń mekenjaıyna jetkizilgen 12 júk avtokóligi taýarlarymen birge ustaldy.

Kedendik deklaratsııalar men taýarǵa ilespe qujattarda jalpy somasy 133 mln. teńgeni quraıtyn halyq tutynatyn taýarlar kórsetilgen.

Alaıda, tekserý barysynda avtokólik quraldarynan jalǵan málimdelgen halyq tutynatyn taýarlar tabyldy, bul rette keıbir avtokólik quraldarynda kórsetilgen taýarlardyń ornynda múlde basqalary bolǵan. Deklaratsııalanbaǵan taýarlardyń jalpy kedendik quny 279 mln. teńgeden astamdy quraıdy, memleketke keltirilgen zalal - 90 mln. teńgege jýyq.

Atalǵan kompanııanyń jumyskerleriniń birine qatysty QR QK-niń 209-babymen (asa iri kólemdegi ekonomıkalyq kontrabanda) qylmystyq is qozǵalyp, tergeý júrgizilýde.

Kedendik baqylaý komıteti anyqtaǵan Túrkııadan jetkiziletin kontrabandalyq taýarlardyń faktileri bul bir ǵana emes. Aǵymdaǵy jyldyń aqpan aıynda respýblıkanyń túrli aımaqtarynda jalpy somasy 126 mln. teńgeden asatyn halyq tutynatyn kontrabandalyq taýarlarymen 4 avtokólik ustaldy.

Aǵymdaǵy jyldyń birinshi jartyjyldyǵynda Qazaqstan Respýblıkasynyń keden organdary 3,7 mlrd. teńge somasyna kontrabandalyq taýarlardy tárkilep, 434 qylmystyq is qozǵady. Bul baǵyttaǵy jumystar jalǵasýda.