Qazaqstandyq kásiporyndardy yntalandyrýdyń jańa tetikteri engizilmek

NUR-SULTAN. QazAqparat – Qazaqstanda ónerkásip salasyndaǵy kásiporyndardy yntalandyrýdyń tyń tetikteri engizilmek. Bul jóninde tolyǵyraq Indýstrııa jáne ınfraqurylymdyq damý mınıstri Beıbit Atamqulov aıtyp berdi, dep habarlaıdy QazAqparat tilshisi.

«Zań jobasy sheńberinde ishki naryqty sapaly ónimmen qanyqtyryp, eksporttaýǵa basa nazar aýdarý kerek. Osy maqsatta ónerkásip salalaryndaǵy óńdeý ónerkásibiniń kásiporyndaryn yntalandyrǵan abzal. Otandyq taýar óndirýshilerdi óndirilgen ónimdi jańa, kúrdelirek qaıta bólýge aýysýǵa yntalandyrý maqsatynda orta jáne joǵarǵy qaıta óńdeýdiń basym taýarlarynyń tizbesi engizildi. Búgingi kúni bul taýarlar tizbesi qalyptasty. Shıkizat segmentine jatatyn taýarlardy qospaǵanda, shıkizatqa jaqyn, óńdeý ónerkásibiniń barlyq salalaryn quraıtyn 4 myńnan astam taýardan turady», - dedi Beıbit Atamqulov Senatta ótip jatqan «QR ónerkásiptik saıasatty zańnamalyq retteý: jaı-kúıi, problemalary jáne sheshý joldary» taqyrybyndaǵy Úkimet saǵatynda.

Onyń aıtýynsha otandyq taýar óndirýshilerdi óndirilgen ónimniń jańa, neǵurlym kúrdeli bóliniske aýysýǵa yntalandyrý maqsatynda Orta jáne joǵarǵy bólinis basym taýarlarynyń tizbesi engizilýde. Búgingi kúni bul taýarlar tizbesi qalyptasyp, shıkizatqa jaqyn, shıkizat segmentine jatatyn taýarlardy qospaǵanda, óńdeý ónerkásibiniń barlyq salalaryn quraıtyn 4 myńnan astam taýardan turady.

«Barlyq operatorlar óndiristik kásiporyndardy memlekettik yntalandyrý kezinde osy tizimdi basshylyqqa alatyn bolady», - dedi ol.