Qazaqstandyq kásipqoı boksshy jekpe-jekke daıyndyǵyn kórsetti

NUR-SULTAN. QazAqparat – 30 qańtarda sharshy alańǵa oralatyn birinshi orta salmaqta qazaqstandyq boksshy Sadrıddın Ahmedov (11-0, 10 KO) jekpe-jek aldyndaǵy jattyǵýyn jalǵastyrýda, dep habarlaıdy QazAqparat.

Kelesi jekpe-jeginde Sadrıddın Ahmedov WBA Continental chempıony tıtýly úshin nıderlandtyq Stıven Danomen (17-3-3, 6 KO) judyryqtasady. Jekpe-jek Meksıkanyń Kýernavaka qalasynda ótedi.

Zalda jattyǵyp júrgen Sadrıddın daıyndyq barysyn vıdeoǵa túsirip, óziniń Instagram paraqshasynda jarııalady.

«Aldaǵy aıqasqa daıyndyq qyzý júrýde!», - dep jazdy sportshy.

Aıta keteıik, bul – Ahmedovtyń 2019 jylǵy jeltoqsannan bergi alǵashqy jekpe-jegi bolmaq. Bir jyl buryn Sadrıddın argentınalyq Hose Antonıo Vılıalobosty (13-6-2, 8 KO) nokaýtpen jeńgen bolatyn.