Qazaqstandyq kásipqoı boksshy Nıkolaı Shvab amerıkalyq qarsylasyn nokaýtqa jiberdi

ASTANA. QazAqparat – Qazaqstandyq boksshy Nıkolaı Shvab (9-0, 5 KO) Rok-Hıll boks keshinde (AQSh, Ońtústik Karolına) óner kórsetti, dep habarlaıdy QazAqparat Sports.kz portalyna silteme jasap.

Ol amerıkalyq Gabrıel Smıtpen (11-5-1, 4 KO) jekpe-jekke shyqty. Shvab qarsylasyn ekinshi raýndta nokaýtqa túsirip, jekpe-jekti merzimine deıin aıaqtaǵan.

Osylaısha Nıkolaı Shvab kásipqoı mansabyndaǵy onynshy jeńisine qol jetkizse, Gabrıel Smıt altynshy ret jeńiliske ushyrady.

Eske salaıyq, Shvab óziniń aldyńǵy jekpe-jeginde venesýelalyq boksshy Hesýs Kýadro (19-8, 15 KO) toǵyzynshy raýndta nokaýtqa túsirip, WBA ekinshi dárejeli chempıondyq belbeý – WBA Fedecaribe ıegeri atanǵan bolatyn.

Foto: sports.kz