Qazaqstandyq kásibı boksshy Reseıde jekpe-jek ótkizbek

NUR-SULTAN. QazAqparat - Qazaqstandyq asa aýyr salmaqtaǵy boksshy Álı Baloev (10-0, 7 KO) kelesi jekpe-jegin ótkizý kúnin anyqtady, dep habarlaıdy QazAqparat Sports.kz saıtyna silteme jasap.

Álıdiń aıtýynsha, onyń rıngke qaıta oralýy 24 qyrkúıekte Máskeýde (Reseı) TsSKA Arenada ótedi. Baloev qarsylasy men jekpe-jektiń formaty týraly qosymsha aqparat bermedi.

Baloev kásipqoı rıngte sońǵy ret bıylǵy 23 tamyzynda shyqty. Ol Almatyda ol belarýs sportshysy ıÝrıı Byhovtsevti (10-25-3, 5 KO) tóreshilerdiń biraýyzdan qabyldaǵan sheshimimen jeńdi. Osydan keıin ol Hardcore Boxing-tiń «pop-boks» lıgasynda eki jekpe-jek ótkizip, olardy da óz paıdasyna aıaqtady. Alaıda bul jekpe-jekter onyń BoxRec.com saıtyndaǵy resmı statıstıkasyna kirmedi.

Buǵan deıin Baloevtyń Chehııada álem chempıonatynyń júldegeri ózbekstandyq Sanjar Tursynovpen (3-0, 1 KO) jekpe-jek ótkizý týraly kelissózder júrgizgeni týraly qaýeset taraǵan bolatyn, biraq bul protsess sátsiz aıaqtaldy.

Foto: sports.kz