Qazaqstandyq kásibı boksshy AQSh-ta ótken aıqasta jeńiske jetti

NUR-SULTAN. QazAqparat – Qazaqstandyq orta salmaqtaǵy boksshy Temirlan Raıymqulov (3-1-2, 0 KO) AQSh-ta ekinshi aıqasyn ótkizdi, dep habarlaıdy QazAqparat Sports.kz-ke silteme jasap.

Jekpe-jek Fıladelfııadaǵy (AQSh, Pensılvanııa shtaty) boks keshi aıasynda ótken jáne tórt raýndqa josparlanǵan. Raıymqulovtyń qarsylasy amerıkalyq Karım Glednı (0-4) boldy. Aıqas tóreshilerdiń biraýyz sheshimimen qazaqstandyqtyń jeńisimen aıaqtaldy. Bul Raıymqulovtyń kásibı bokstaǵy tórtinshi jeńisi, al Glednı besinshi ret jeńilis tapty.
Eske salaıyq, Temirlan 10 qazanda AQSh-ta debıýt jasady – Fıladelfııada aıqas ótkizip, tóreshilerdiń biraýyz sheshimimen amerıkalyq Djadon Ervındi (1-1, 0 KO) jeńdi. Buǵan deıin ol otanynda jáne Reseıde bokstasqan. Aıta keteıik, Temirlan Raıymqulov basqa otandastary, Gennadıı Golovkın (41-1-1, 36 KO) men Jánibek Álimhanulymen (10-0, 6 KO) bir salmaqta óner kórsetedi.