Qazaqstandyq kareteshi olımpıadalyq reıtıngte kósh bastady
QR Ulttyq olımpıada komıteti habarlaǵandaı, atalǵan reıtıngte 60 kelide synǵa túsetin qazaqstandyq karateshi Darhan Asadilov shilde aıynda olımpıadalyq salmaqtyń kóshin bastady.
«Azııa oıyndary men iri halyqaralyq týrnırlerdiń jeńimpazy, sondaı-aq, karateden álem chempıonatynyń júldegeri Darhan Asadilov óz salmaǵynda birinshi orynǵa shyqty. Ol ıtalııalyq Andjelo Krechenzo men frantsııalyq Steven Dakostany artta qaldyrǵan. Darhannyń maýsym aıynda Shanhaı (Qytaı) men Monrealda (Kanada) ótken Premer-lıga jáne A serııasy aıasyndaǵy týrnırde top jarǵan bolatyn. Asadilovtiń bul jetistigi reıtıngte kósh bastaýǵa múmkindik berdi», - delingen habarlamada.
Eske sala keteıik, karateden Olımpıada oıyndaryna lıtsenzııa taratatyn jarystar tizbegi kelesi jyldyń mamyryna deıin jalǵasady. Olımpıadalyq salmaq dárejelerinde úzdik tórttikke engen sportshylar Tokıo olımpıadasyna tikeleı joldama alady.