Qazaqstandyq karateshiler TMD kýbogyn jeńip aldy

ASTANA. 27 aqpan. QazAqparat - Astanadaǵy «Dáýlet» sport kesheninde ótken Kıokýshınkaı-kan karatedan V Halyqaralyq týrnırde Qazaqstannyń quramasy jalpy komandalyq esep boıynsha birinshi orynǵa ıe bolyp, týrnırdiń bas júldesi - TMD kýbogyn jeńip aldy.

Jalpy, bul dúbirli dodaǵa Qazaqstan, Reseı jáne Qyrǵyzstannan 300-ge jýyq sportshy qatysty. Olar 29 komandanyń atynan shyqty. Karateshiler 10-18 jastaǵy balalar, jasóspirimder jáne eresekter sanattarynda 30-80 keli salmaq dárejeleri boıynsha óner kórsetti. Týrnırdiń qorytyndysyna sáıkes, qazaqstandyq karateshiler jalpy komandalyq esep boıynsha birinshi orynǵa ıe bolyp, TMD Kýbogyn jeńip aldy. Ekinshi orynda - Reseı. Qyrǵyzstan úshinshi oryndy qanaǵat tutty.