Qazaqstandyq karateshiler Bakýdegi týrnırde 6 medaldi jeńip aldy
22:24, 14 Qyrkúıek 2014
BAKÝ. QazAqparat - Bakýde Ázerbaıjan Ulttyq karate federatsııasynyń 20 jyldyǵyna arnalǵan karateden Baku Open (WKF nusqasy) besinshi halyqaralyq týrnır ótti.
Qazaqstandyq karateshiler chempıonatta 6 medaldi jeńip aldy. Atap aıtqanda «altyn» júldege 60 keli salmaqtaǵy Darhan Assadilov pen Gózel Ǵafýrova (68 keli) qol jetkizdi. Anastasııa Oleshko (68 keli) kúmis júldeger atandy. Ekaterına Hýpovets (50 keli), Sabına Zaharova (55 keli) jáne Gaýhar Shaıkózova (68 keli) qola medaldarǵa ıe boldy.
Jarysqa 15 elden 300-den astam sportshy qatysty. Júlde qory 70 myń eýrony qurady.