Qazaqstandyq qamtýdy damytý máseleleri jónindegi Sarapshy keńestiń birinshi keńeıtilgen otyrysy ótti

ASTANA. Qańtardyń 13-i. QazAqparat /Ernur Aqanbaı/ - Indýstrııa jáne saýda mınıstrliginde vıtse-mınıstr Erhat Ysqalıevtiń tóraǵalyǵymen qazaqstandyq qamtýdy damytý máseleleri jónindegi Sarapshy keńestiń birinshi keńeıtilgen otyrysy ótti,

dep habarlaıdy QazAqparat.

Mınıstrliktiń baspasóz qyzmetiniń málimetinshe, otyrysqa memlekettik organdardyń, bıznes toptyń, «Atameken» odaǵynyń jáne Saýda-ónerkásip palatasynyń ókilderi qatysqan. Otyrysta birqatar máseleler talqylanǵan. Olardyń ishinde Úkimet qaýlysymen bekitilgen taýarlardy jetkilikti óńdeý krıterıılerine ózgertýler men tolyqtyrýlar engizý, taýardyń shyqqan elin anyqtaý jáne taýardyń shyǵýy týraly sertıfıkat berý týraly ereje, sondaı-aq otandyq kásiporyndar usynǵan serııaly óndiris kezindegi aldyńǵy saraptamanyń nátıjelerin paıdalaný syndy máseleler bar.

Sarapshy keńesin qurýdaǵy maqsat - qazaqstandyq taýar óndirýshilerdiń problemalaryn talqylaý jáne olar boıynsha naqty sheshimder qabyldaý bolyp tabylady.