Qazaqstandyq qamtý saıasaty qatań saqtalatyn bolady - IJTM
Bul týraly búgin «Birinshi beket - Qazaqstan» atty tasymaldaýshylardyń aqparattyq júıesine arnalǵan shara barysynda Indýstrııa jáne jańa tehnologııalar vıtse-mınıstri Nurlan Saýranbaev málimdedi.
«Údemeli ındýstrııalyq-ınnovatsııalyq damý memlekettik baǵdarlamasynyń asa mańyzdy elementteriniń biri jergilikti qamtýdy damytý bolyp tabylady. Sonymen qatar, aldaǵy ýaqytta da otandyq taýar, jumys pen qyzmet kórsetetin kompanııalar úshin, olardyń bundaı qyzmetteri men ónimderin ishki naryqta kiriktirýdegi ornyqty damýdyń qamtylýyna basa nazar aýdarylady. Atalǵan shara otandyq ınnovatsııalyq óndiristiń qýatty damýynyń negizin qalyptastyratyny aıqyn», - deıdi vıtse-mınıstr.
Aıta keterligi, memlekettik baǵdarlamanyń nátıjeliligin arttyratyn «Birinshi beket-Qazaqstan» ilki jobasy aıasynda óndiris qýatynyń ornalasýy týraly biregeı málimetter bazasy qalyptasatyn bolady. Mamandardyń aıtýynsha, joba aıasynda qalyptasatyn málimetter bazasy merdigerler men tasymaldaýshylar arasynda aqparat almasý úshin tıimdi tetikke aınalmaq.