Qazaqstandyq qalamger «Novellazııa» baıqaýynyń jeńimpazy atandy
Dodanyń qazylar alqasynyń tóraǵasy Aleksandr Ýlko men barlyq Ortalyq Azııadaǵy keńesshilerdiń saraptaýynan keıin 5 úzdik shyǵarma anyqtaldy, dep habarlaıdy adebiportal.kz. Olar: qazaqstandyq Qanat Omardyń «Begstvo v Moldavııý» (orys tilinde) shyǵarmasy, ózbekstandyq Safar Kattaboevtyń «Neobychnyı vor» (orys tilinde) týyndysy, ózbekstandyq Sıd ıAnyshevtyń «Sbornık rasskazov» (orys tilinde) jınaǵy, tájikstandyq Tolıbshohı Davlattyń «Jýravlı po vesne» (tájik tilinde) shyǵarmasy men ózbekstandyq Muhammedshárip Mamatqulovtyń «Vospomınanııa o SA» (ózbek tilinde) shyǵarmasy. Endi saıys jeńimpazdarynyń shyǵarmalary orys jáne aǵylshyn tilderine aýdarylyp, eki tildi novellalar blogy retinde, al sodan keıin ıllıýstratsııaly kitap retinde jaryq kóredi. Sondaı-aq jeńimpazdarǵa aqshalaı syılyqtar taǵaıyndaldy. Qysqa tizimge kirgen avtorlardyń shyǵarmalary ana tilinde novellalar jınaǵy bolyp jaryq kóredi. Al 2014-2015 jyl aralyǵynda barlyq qatysýshylardyń shyǵarmalary bir toptama bolyp baspadan shyǵady dep josparlanýda. Jeńimpazdardy anyqtaý barysynda qazylar alqasy avtordyń til shuraılyǵyna, stıldik ereksheligi men qoıylǵan maqsatqa jetý jolyndaǵy kásipqoılyǵyna úlken mán berdi. Aıta keteıik, bul baıqaýǵa Qazaqstan, Qyrǵyzstan, Tájikstan, Ózbekstan jáne Túrkimenstan eliniń jasyna, ultyna qaramastan qolyna qalam ustaǵan kez kelgen azamaty (jýrnalıster, bloggerler, novellashylar t.b.) qatysa alady. «Eń aldymen 100 shyǵarma arasynan 5 úzdik avtordy tańdaýdyń qıyndyǵy jaıly aıtyp ótkim keledi. Tizimdi 25 avtorǵa, al odan keıin 15, sosyn 5-ke deıin qysqartý ońaıǵa túspedi. Birneshe qyrynan talqylaý úshin Ortalyq Azııa keńistigindegi ádebıet salasynda júrgen birneshe keńesshiler úzdik shyǵarmany tańdaýda atsalysty. Bizdiń basty maqsatymyz - shynaıy ádebı dúnıeni anyqtaý. Biz shyǵarmanyń tiline, sıýjettik jelisine, taqyrybyna - bárine kóńil bóldik. Qaı tilge aýdarylsa da Ortalyq Azııa jaıly tyń oılar men pikir, kózqarasyn bildire alatyn týyndylardy tańdadyq», - deıdi A.Ýlko.