Qazaqstandyq golfshi ataqty Stenford ýnıversıtetiniń komandasyna qosyldy

ASTANA. QazAqparat - Qazaqstandyq 18 jastaǵy golfshi Dáýlet Tóleýbaev Stenford ýnıversıteti komandasynyń quramyna qabyldandy. Sportshy endi oqýy men karerasyn ǵasyrlyq tarıhy bar ýnıversıtette jalǵastyrady.

 Bul jaıly ýnıversıtettiń resmı saıtynda (Leland Stanford Junior University) jarııalandy.

Talantty sportshyny Amerıkanyń 20-ǵa jýyq ýnıversıteti óz qataryna shaqyrdy. Olardyń arasynda Garvard, Berklı, Prınson, Dıýk sııaqty álemge áıgili ýnıversıtetter de boldy. Biraq Dáýlettiń ózi Stenford ýnıversıtetin tańdady. Ol Ulttyq stýdentter sporty qaýymdastyǵynyń (NCAA) týrnırlerine qatysý múmkindigin alǵan alǵashqy qazaqstandyq golfshi boldy.

Dáýlet Tóleýbaev jastar jáne eresekter arasyndaǵy jarystarda sátti óner kórsetip keledi, al 2017 jylǵy jazda TMD elderi arasynda alǵash ret áıgili U.S. Amateur golf týrnıriniń irikteý kezeńinde jeńiske jetti.

Kezinde aty ańyzǵa aınalǵan golfshi Taıger Výds ta osy ýnıversıtet komandasynyń namysyn qorǵaǵan bolatyn. Stenfordta oqyǵan 20-dan astam golfshige ýnıversıtettiń Qurmet Zalynan oryn berilgen, sonyń tórteýi AQSh Ulttyq chempıonatynda jeńimpaz atanǵan.