Qazaqstandyq ǵalym tis jegisin otasyz emdeıtin tehnologııa oılap tapty

ASTANA. QazAqparat – Qazaqstandyq ǵalym Baýyrjan Aıtýov tis emalin qalpyna keltiretin tehnologııa oılap tapty, dep habarlaıdy QazAqparat «Halyqaralyq baǵdarlamalar ortalyǵy» AQ baspasóz qyzmetine silteme jasap.

«Bolashaq» túlegi, PhD, bıolog-genetık Baýyrjan Aıtýov áriptesterimen birge buzylǵan emaldi qalpyna keltirý úshin amın qyshqyldarynan amelogenın aqýyzyn jasandy túrde sıntezdegen. Onyń aıtýynsha, ony karıestiń alǵashqy satysynda tiske tamyzsa, bir aı ishinde tis emali qalpyna keledi. Osylaısha, dári tis jegisin burǵylaýsyz, otasyz emdeýge múmkindik beredi.

Ónertapqyshtyń InnoDent tehnologııasy patenttelgen. Búgingi tańda bul preparat Almaty men Astananyń tis emhanalarynda paıdalanylyp júr. Tek Qazaqstanda ǵana emes, shetelde de qoldanylyp jatyr.

Aıta ketsek, Baýyrjan Aıtýov «Bolashaq» baǵdarlamasymen Iork ýnıversıtetinde genetıka salasyndaǵy bakalavr dárejesin aldy. Qazaqstanǵa oralǵannan keıin oqýyn L. Gýmılev atyndaǵy EUÝ-da jalǵastyryp, onda magıstr jáne keıinnen doktor dárejesin qorǵady. 2011-2014 jyldary Nazarbaev ýnıversıtetinde qyzmet etken.