Qazaqstandyq Galına Vıshnevskaıa Olımpıadany 52-orynmen aıaqtady

NUR-SULTAN. QazAqparat - Búgin Beıjiń Olımpıadasynda bıatlonnan áıelder arasynda iz kesý jarystary aıaqtaldy, dep habarlaıdy QazAqparat tilshisi.

Atalǵan dodada qazaqstandyq bıatlonshy Galına Vıshnevskaıa-Sheporenko qatysyp, jalpy esepte Olımpıada oıyndaryn 52-orynmen aıaqtady.

Bql jarysta bas júldeni norvegııalyq Marte Olsbı-Roızeland jeńip alsa, kúmis júldeni shvetsııalyq Elvıra Oeberg qanjyǵasyna baılady. Al úzdik úshtikti taǵy bir norvegııalyq bıatlonshy Tırıl Ekhoff óz enshisine jazdy.

Esterińizge sala keteıik, Galına Vıshnevskaıa 7-aqpan kúni bıatlonnan jekeleı jarysty 44-shi orynmen aıaqtap, nátıjesiniń arqasynda iz kesý jarysyna joldama alǵan 60 sportshynyń qataryna engen bolatyn.

Bul otandasymyzdyń Beıjiń Olımpıadasyndaǵy sońǵy jarysy.