Qazaqstandyq fermerlerge 108,8 mlrd teńge sýbsıdııa tólendi

ASTANA. QazAqparat - Qazaqstandyq fermerler sýbsıdııa alý úshin 77 872 ótinim berdi, dep habarlaıdy QazAqparat.

Sýbsıdııalaý qaǵıdalaryna sáıkes 34 911 ótinim boıynsha qoldaý kórsetýden bas tartyldy. Búgingi tańda júıede 50 525 paıdalanýshy tirkelgen.

«60,3 mlrd teńgege 21 448 ótinim maquldanyp, «kútý paraǵyna» qoıyldy. Bul ótinimder júıemen tolyq óńdelip, oblystyq aýyl sharýashylyǵy basqarmalary SBMA-niń qatysýynsyz tolyq kólemde tólenip jatyr. Búginde 48,5 mlrd teńge tólendi.

Bul somadan basqa memlekettik júıe arqyly fermerlerge 2022 jyl úshin sýbsıdııalar boıynsha 28,4 mlrd teńgege qaryz tólendi.

Qoldanystaǵy paıyzdyq mólsherlemeni sýbsıdııalaý sharttary boıynsha búgingi kúni 36,7 mlrd teńgege ótinimder maquldanyp, 31,6 mlrd teńge tólendi. Nátıjesinde SBMAJ júıesi arqyly barlyǵy 108,8 mlrd teńge tólendi», - dep jazdy AShM-nan.

Paıyzdyq mólsherlemeni sýbsıdııalaýdyń jańa usynystary boıynsha 2 581 ótinim (49,1 mlrd teńge) berildi, qazirgi ýaqytta qarjy ınstıtýttary 129-yn maquldady, AShB 331 ótinimdi (8,3 mlrd teńge) maquldap, rezervke jiberdi.

Osylaısha, biryńǵaı rezervte 45,8 mlrd teńgege 2 206 ótinim mólsherinde paıyzdyq mólsherlemeni sýbsıdııalaý jónindegi usynystar Aýyl sharýashylyǵy basqarmalaryna jetkizildi. Erejege sáıkes, bul usynystar qarajat qoljetimdi bolǵan kezde kelisim-sharttarmen bekitiledi.