Qazaqstandyq eksporttaýshylar Qytaı naryǵyn zerdelep qaıtty
«Otandyq ónimderdi QHR naryǵynda ilgeriletý maqsatynda Qazaqstannyń Shanhaı qalasyndaǵy Bas konsýldyǵy «Silk Road» eksporttyq ortalyǵy, «Qazaqstan aýylsharýashylyq ónimderin eksporttaýshylarynyń qaýymdastyǵy» jáne «Pıoner» JShS, «Lepsi baly» JShS, «QR ÁÓK» JShS sııaqty birneshe qazaqstandyq kompanııa ókilderiniń Qytaıǵa jumys saparyn uıymdastyrdy. Onyń maqsaty qazaqstandyq óndirýshiler men qytaılyq áriptester arasyndaǵy ózara is-qımyldyń algorıtmin ázirleý boldy», - dedi vedomstvodan.
Saýda-ónerkásip palatasymen, Sertıfıkatsııa ortalyǵymen, «Baılan» kompanııasymen, Erkin saýda aımaǵymen jáne RF-nyń Shanhaı qalasyndaǵy saýda ortalyǵymen kezdesýler uıymdastyrylǵan.
«Kezdesýler barysynda qazaqstandyq kásipkerler ónimderge hımııalyq jáne bakterıologııalyq analızderdi júrgizý talaptaryn jáne arnaıy ruqsat qujattamasyn rásimdeý erejelerin zerdeleýge múmkindik bergen ımporttyq ónimderdi taldaý ortalyǵyna baryp, ımporttyq ónimderdi sertıfıkattaý jáne standarttaý rásimderimen tanysty. Sonymen qatar, Qazaqstan delegatsııasy Hanchjoý, Ivý jáne Fýchjoý qalalaryna baryp, osy qalalardyń jergilikti iskerlik tobymen kezdesti jáne olardy daıyn qazaqstandyq aýylsharýashylyǵy ónimderimen tanystyrdy», - delingen aqparatta.
Taýarlardy naryqta ilgeriletýdiń qytaılyq júıesimen tanysý úshin Hanchjoý qalasynyń «Gýojan» mamandandyrylǵan holdıngine jumys sapary uıymdastyryldy. Holdıng halyq tutynatyn taýarlardyń jalpy jarnamasymen, dızaınymen jáne olardy qaptaýmen aınalysady. Holdıng basshylyǵy qazaqstandyq taýarlardy QHR naryǵyna shyǵarý úshin birlesken jeke baǵytty ashýdy jáne konsaltıngtik jáne zańgerlik qyzmetter kórsetýdi usyndy.
Sonymen qatar, Iý qalasy ákiminiń mindetin atqarýshy orynbasarymen kezdesý uıymdastyryldy. Onyń barysynda qala basshylyǵy qazaqstandyq óndirýshilerdi qoldaý nıetin bildirip, qajet bolǵan jaǵdaıda, úlken artylyqshylyqtarymen saýda alańdaryn bólýdi usyndy. Qazaqstandyq óndirýshilerge 2019 jyly 23-26 mamyr aralyǵynda Iý qalasynda ótetin «Sheteldik taýarlardyń halyqaralyq jármeńkesine» qatysýǵa shaqyrdy.
Kezdesýlerdiń nátıjesinde, qazaqstandyq ónimderdi QHR naryǵynda belsendi ilgeriletý úshin Qytaı tarapy Shanhaıda «Silk Road» eksporttyq Ortalyǵynyń ókildigin ashýdy usyndy. Bul ortalyq qazaqstandyq óndirýshilerdiń ónimderin QHR-nyń aýmaǵynda ilgeriletýge jáne sertıfıkattaý jáne standarttaý rásimderin ótýde kómektesetin bolady, al bul ózkezeginde otandyq óndirýshilerge qytaılyq áriptestermen turaqty tikeleı baılanystar ornatýǵa múmkindik beredi.