Qazaqstandyq eksporttaýshylar Eýropalyq Odaq esebinen tegin bilim alady

ASTANA. QazAqparat – Qazaqstandyq eksporttaýshylar Ortalyq Azııa elderindegi áriptesterimen birge Eýropalyq Odaq esebinen transshekaralyq saýda boıynsha tegin bilim alady, dep habarlaıdy QazAqparat tilshisi.

Astanada «QazTrade» aktsıonerlik qoǵamynyń uıymdastyrýymen atalǵan baǵdarlamanyń tanystyrylym ótti.

«QazTrade» aktsıonerlik qoǵamy bas dırektorynyń orynbasary Nurlan Qulbatyrovtyń aıtýyna qaraǵanda atalǵan baǵdarlama «Ready4Trade Central Asia» jobasynyń aıasynda iske asyrylmaq.

«Jalpy bul baǵdarlama 4 jylǵa arnalǵan. 2019 jyldan beri birneshe komponenti iske asyryldy. Mysaly, bıyl jazda saýda portaly iske qosylǵan edi. Sondaı úlken baǵyttyń biri – qazaqstandyq eksporttaýshylardy oqytý. 1,5 jyl boıy kásibı nusqaýshylar jumys istep, tálimgerlerdi daıarlady. Endi sol tálimgerler eksporttaýshylarǵa sabaq beredi», - dedi ol.

Al Eýropalyq Odaq ókildigiOrtalyq Azııanyń óńirlik baǵdarlamalary Qazaqstandaǵy yntymaqtastyq bólimi baǵdarlamalarynyń menedjeri ıÝrıı Skaskeevıchtiń aıtýynsha, oqytý baǵdarlamasy osydan 4 jyl buryn bólingen 15 mln eýronyń esebinen iske asady.

«Meniń portfolıomdaǵy eń úlken baǵdarlamanyń biri – osy 4 jyldyq baǵdarlama. Ol búkil Ortalyq Azııa elderine baǵyttalǵan. Bıýdjeti aıtarlyqtaı salmaqty – 15 mln evro. Osy qarajat aıasynda qarjylandyrylyp jatqan baǵyttyń biri eksporttaýshylardy oqytýǵa arnalyp otyr», - dedi ıÝrıı Skaskeevıch.

Joba avtorlarynyń málimetine súıensek, qazaqstandyq eksporttaýshylar oqý baǵdarlamasy arqyly halyqaralyq saýda erejeleri, eksporttyq rásimder, tranzıttik baǵyttar, sapa jáne sáıkestik standarttary, Eýropalyq Odaq naryǵyna arnalǵan naqty talaptar týraly bilim alyp, ol alǵan bilimderin is júzinde qoldanyp mashyqtanady.

Oqytý onlaın rejımde de, offflaın rejımde de usynylady. Trenıngti Dúnıejúzilik saýda uıymy men Birikken Ulttar uıymyna qarasty Halyqaralyq saýda ortalyǵy ázirlegen.

Bul baǵdarlama Qazaqstannyń búkil aımaqtaryn qamtıdy dep josparlanǵan. Sol úshin QazTrade komıpanııasynyń janynan elektrondyq oqytý platformasy ashylyp otyr. Sol platformanyń (https://www.qaztradeacademy.kz/), kómegimen áleýetti jáne jumys istep turǵan eksporttaýshylar búkil kýrstardy onlaın rejıminde tegin ótip, sertıfıkattar alady.