Qazaqstandyq ekologtar: «Protonnyń» ushyrylymy sátti ótti

ASTANA. QazAqparat - QR Qorǵanys jáne aeroǵarysh ónerkásibi mınıstrliginiń aeroǵarysh komıteti «Baıqońyr» ǵarysh aılaǵynan «Proton-M» zymyran-tasyǵyshynyń ushyrylymy kezinde qorshaǵan ortaǵa eshqandaı zııan keltirilmegenin habarlady.

«Qazǵaryshqa» qarasty «Ǵarysh ekologııa» Ǵylymı-zertteý ortalyǵy» (ǴZO) RMK-dan málim etkendeı, ushyrylym sátti ótti. «Proton M» zymyran-tasyǵyshynyń (ZT) alǵashqy baspaldaǵy ıÝ-24 aılaǵynyń qulaý aýmaǵyna (№ 15) qonǵan.

ǴZO qyzmetkerleri reseılik mamandarmen birge № 15 qulaý aýmaǵynda, «Proton-M ZT-nyń birinshi baspaldaǵynan bólingen bólshekter qulaǵan orynda ekologııalyq zertteý jumystaryn júrgizýdi bastady. «Proton-M» ZT  bólshekteri qulaǵan orynda ósimdikterdiń órtenýi tirkelgen joq», - delingen habarlada.

Eske sala ketsek, «Proton-M» zymyran-tasyǵyshy qytaılyq «AzıaSat-9» spýtnıgimen «Baıqońyr» ǵarysh aılaǵynan ótken túni ushyrylǵan bolatyn.