Qazaqstandyq ekıpaj – «Tank bıatlony» baıqaýynyń jartylaı fınalynda

NUR-SULTAN. QazAqparat – Elimiz atynan synǵa túsip jatqan tankishi-jaýyngerler kezekti jarysta ekinshi oryndy ıelenip, Armııa halyqaralyq oıyndarynyń «Tank bıatlony» baıqaýynyń jartylaı fınalyna joldama aldy, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Úshinshi ekıpajdyń óner kórsetýimen Qazaqstan, Qyrǵyzstan, Reseı jáne Ózbekstan komandalary úshin jeke jarys aıaqtaldy.

Bul básekede de aldyńǵy kezeńdegideı qazaqstandyq komanda ekinshi ýaqytty kórsetip tek reseılik tankishilerge ese jiberdi.Úshinshi orynǵa Ózbekstan, tórtinshi orynǵa Qyrǵyzstan komandalary jaıǵasty.

Qazaqstannan kelgen jaýyngerler barlyq úsh saparda: trassadan ótý kezinde joǵary jyldamdyqty, sonymen qatar maqsattardyń dálme-dál zaqymdanýy men ekıpajdardyń úılesimdi jumysyn kórsetti. Bizdiń komandanyń qarsylastary 29-30 tamyzda Ázerbaıjan, Belarýs, Qytaı jáne Serbııa komandalarynyń qorytyndy kezdesýlerinen keıin anyqtalady. Óz kezeginde qazaqstandyq jaýyngerler jartylaı fınaldyq estafetada óz sheberlikterin kórsetýi kerek. Onda ekıpajdar kezekpen trassadan ótedi. Jartylaı fınaldyq saıystardyń jerebe tartý rásimi 30 tamyzǵa belgilengen.

Fınalǵa shyǵý úshin baq synaıtyn estafetalyq jarys 1-2 qyrkúıekke josparlanǵan.