Qazaqstandyq eki boksshy Germanııadaǵy aıqasynyń aldynda salmaq ólshedi

ASTANA. QazAqparat – Aqpannyń 4-nen 5-ine qaraǵan túni Vangen ım Allgoı qalasynda (Germanııa) boks keshi ótedi. Onyń aıasynda eki qazaqstandyq kásipqoı boksshy Vıktor Temirov (2-0, 2 KO) pen Aleksandr Kovrıgın (5-0, 3 KO) kezekti aıqasyn ótkizedi, dep habarlaıdy QazAqparat Sports.kz saıtyna silteme jasap.

Temirov orta dıvızıonda Bosnııa men Gertsegovınıa ókili Mılosh ıAnıanınmen (16-40, 13 KO) aıqasady, al Kovrıgınniń jartylaı jeńil salmaqtaǵy qarsylasy grýzın Djaba Memıshıshı (8-18, 1 KO) bolmaq.

Aıqas aldynda eki boksshy da salmaq ólshedi jáne óz salmaq dárejesiniń belgilengen sheginen asqan joq.

Eske salaıyq, Aleksandr Kovrıgın buǵan deıingi aıqasyn ótken jyly 19 naýryzda Berlınde ótkizip, tóreshilerdiń biraýyz sheshimimen nıkoragýalyq Hose Ernandesti (4-40-1, 3 KO) jeńdi.

Al, Vıktor Temirov 2 shildede Bad-Vıldýngende Grýzııa ókili Bekoı Mýrdjıknelıdi (6-24-1, 4 KO) ekinshi raýndta nokaýtqa túsirdi.

Foto: sports.kz