Qazaqstandyq dzıýdoshylar Eýropa kýbogynda bir altyn, 3 kúmis aldy

POZNANЬ. QazAqparat – Polshanyń Poznan qalasynda dzıýdodan jastar arasynda ótken Eýropa kýbogynda qazaqstandyqtar tabysty óner kórsetti, dep habarlaıdy QazAqparat tilshisi.

Qazaqstan dzıýdo federatsııasy málim etkendeı, qazaqstandyq sportshylar jarys qorytyndysynda 1 altyn, 3 kúmis, 1 qola medaldi jeńip aldy.

Atap aıtqanda, Mereı Marhanbetov 60 kelige deıingi salmaqta altynnan alqa taqty. Taǵy bir qazaqstandyq Nurqanat Serikbaev osy salmaqta ekinshi orynǵa kóterildi.

Batys Qazaqstan oblysynyń ókili Nursultan Zaızaǵalıev 66 kelige deıingi salmaqta kúmis júldege ilikti.

Jurqamyrza Shúkirbekov 100 kelige deıingi salmaqta taǵy bir kúmisti oljalady. Al Nursultan Jubatqan 60 kelige deıingi salmaqta qola medalǵa ıe boldy.

Qazaqstan jastar quramasynyń aǵa jattyqtyrýshylary: Azamat Muqanov pen Aıbek Imashev.