Qazaqstandyq dzıýdoshy Qanat Nurkeldi halyqaralyq jarysta kúmis júldegeri atandy

ASTANA. QazAqparat - Qazaqstandyq dzıýdoshy Qanat Nurkeldi Belarýsta ótip jatqan TMD elderi oıyndarynyń kúmis júldegeri atandy, dep habarlaıdy QazAqparat tilshisi.

Bıyl ekinshi márte týyn jelbiretken TMD elderi oıyndarynda ol 60 kelide el namysyn qorǵady. El quramasy qorjynyna alǵashqy júldeni saldy.

Fınalda qazaqstandyq balýan reseılik qarsylasyna ese jiberdi. Odan buryn reseılik jáne ózbekstandyq qarsylastarynan basym tústi.

Atalǵan jarys 7 tamyzǵa deıin jalǵasady.

Eske salsaq, budan buryn dzıýdoshy Asqar Narqulov Jazǵy ýnıversıada el qorjynyna qola medal saldy.

Ol 73 kelige deıingi salmaqta úshinshi oryn úshin ótken beldesýde ol Qyrǵyzstan ókili Shyńǵyshan Saǵynalıevti jeńdi.