Qazaqstandyq dzıýdodan álemdik Grand Slam týrnıriniń kúmis júldegeri atandy
Qazaqstan dzıýdo federatsııasynyń baspasóz qyzmetinen málim etkenindeı, álemdik dodanyń ekinshi kúni A.Jumanazar 81 kelige deıingi salmaqta fınalǵa deıin tórt kezdesý ótkizdi.
Jarysty ekinshi aınalymnan bastaǵan Abylaıhan irikteý kezeńinde Kanada jáne Polsha ókilderin tize búktirdi. Shırek fınalda moldovalyq Vıktor Sterpýden basym tústi. Al jartylaı fınalda tatamı ıesi, grýzııalyq Dmıtrıı Gochılıdzeden vazarı ádisimen utylyp jatyp, taza jeńip ketti.
Osyǵan deıin Grand Slam jáne Gran-prı jarystarynda júlde alyp kórmegen Abylaıhan Jubazanar fınalda aýstrııalyq Ýashıd Borchashvılımen altyn júldeni sarapqa saldy.
Tartysty ótken beldesý qosymsha ýaqytqa sozylyp, onda aýstrııalyq dzıýdoshy vazarı ádisin sátti qoldandy.
Osylaısha, A.Jubanazar alǵash ret Grand Slam týrnırinde kúmis júldeni jeńip aldy.
Bul – Tbılısıde Qazaqstan qorjynyna túsken úshinshi medal. Keshe Ábıba Ábýjaqynova men Maǵjan Shamshadın qola júldege ıe bolǵan edi.
Eske sala keteıik, budan buryn Grýzııada ótetin Grand Slam týrnırine qatysatyn Qazaqstan dzıýdo quramasy anyqtalǵanyn jazǵan bolatynbyz.
Sondaı-aq Ábıba Ábýjaqynova men Maǵjan Shamshadın Grand Slam týrnıriniń qola júldegeri atandy.
Foto - Qazaqstan dzıýdo federatsııasy