Qazaqstandyq desantshylar NATO sarapshylarymen tájirbıe almasty

TALDYQORǴAN. QazAqparat - Qazaqstannyń desantshylary «Іle» oqý-jattyǵý alańynda NATO ókilderimen birlesken semınar ótkizdi. Basty maqsat radıatsııalyq, hımııalyq jáne bıologııalyq qaýipterge daıyn bolý, dep habarlaıdy QazAqparat tilshisi.

Semınar barysynda qazaqstandyq desantty-shabýyldaýshy áskeriniń sarbazdary Belgııa, Ulybrıtanııa jáne Ázerbaıjannan kelgen NATO uıymynyń ókilderimen ózara tájirbıe almasty.

«Olar radıatsııalyq, hımııalyq jáne bıologııalyq qaýipterden qorǵanys máselelerin talqylap, qajetti ádisterdi áskerde qoldanýdyń múmkindikterin pysyqtady. Bizdiń qyzmet ýaqyt aǵymymen qatar júrýi qajet. Búgingi tańda tónýi múmkin qaýipter jańa transshekaralyq sıpat alyp otyr. Al jappaı qyryp-joıý qarýynyń bóten qolǵa túsýi orny tolmas shyǵyndarǵa alyp kelýi múmkin. Sondyqtan radıatsııalyq, hımııalyq jáne bıologııalyq jaǵdaıdy qadaǵalap, qaýipti ýaqytyly anyqtap, tıisti sharalardy qoldana bilý kerek», - deıdi, gvardııanyń RHBQ qyzmetiniń basshysy Nurpeıis Moldııarov.

Semınarda barlyǵy osy sala boıynsha 30-ǵa jýyq maman qatysty. Uıymdastyrýshylar mundaı oqý-jattyǵýlar men semınarlar jıi ótkizilip turatynyn aıtady.