Qazaqstandyq delegatsııa Dúnıejúzilik Túrki medıtsınalyq kongresine qatysty

ASTANA. QazAqparat – Densaýlyq saqtaý mınıstri Ajar Ǵınııat bastaǵan qazaqstandyq delegatsııa Dúnıejúzilik Túrki medıtsınalyq kongresine jáne Túrki memleketteri uıymy elderiniń densaýlyq saqtaý mınıstrleriniń kezdesýine qatysty, dep habarlaıdy QazAqparat Densaýlyq saqtaý mınıstrliginiń baspasóz qyzmetine silteme jasaı otyryp.

Іs-shara barysynda mınıstrlikter basshylary Túrki memleketteri Uıymy Hatshylyǵynyń qoldaýymen densaýlyq saqtaý salasyndaǵy ózekti máselelerdi talqylady, «Medıtsına tarıhyna, ortaq muraǵa qurmet» týraly Samarqand deklaratsııasyn qabyldady.

Deklaratsııany qabyldaý elderge onkologııalyq kómekti, farmatsııany, medıtsınalyq jáne farmatsevtıkalyq kadrlardy daıarlaýdy jáne olardyń biliktiligin arttyrýdy, densaýlyq saqtaýdaǵy tsıfrlandyrýdy jáne t. b. qosa alǵanda túrki memleketteriniń halqyna medıtsınalyq kómekti jetildirý boıynsha syndarly tásilderdi ázirleýge múmkindik beredi.

Forýmnyń sheńberinde TMU Bas hatshysy Q. Ómiralıevpen, Ázirbaıjan, Túrkııa, Ózbekstan, Tatarstan Densaýlyq saqtaý mınıstrlerimen kezdesýler ótkizildi.

Qorytyndysy boıynsha Túrki álemi memleketteriniń ózara tıimdi áriptestigin nyǵaıtý týraly ýaǵdalastyqqa qol jetkizildi, sondaı-aq TMU memleketterinde qazaqstandyq medıtsına kúnderin ótkizýge qatysty Qazaqstannyń bastamashyl usynysy qoldaý tapty.

Sapar barysynda Mınıstrliktiń basshysy «Samarkand England Eco-medical» jáne «Tashkent Pharma Park» Samarqand farmatsevtıkalyq zaýytyna jáne basqalarǵa bardy.

Іs-shara barysynda Ajar Ǵınııat túrki memleketteriniń ókilderin 2023 jylǵy 22-27 qazanda Astana qalasynda josparlanǵan MSAK jónindegi jahandyq konferentsııaǵa jáne DDU Eýropalyq óńirlik komıtetiniń 73-shi sessııasyna qatysýǵa shaqyrdy.