Qazaqstandyq delegatsııa dinder dıalogy boıynsha Doha konferentsııasyna qatysty
Vıtse-mınıstr B. Aryn konferentsııada «Din bostandyǵy jáne dinı tájirıbe» taqyrybynda baıandama jasap, qatysýshylardy etnosaralyq jáne konfessııaaralyq kelisimdi qamtamasyz etýdegi Qazaqstannyń tájirıbesimen tanystyrdy. Sondaı-aq, Memleket basshysy Nursultan Nazarbaevtyń álemdik jáne dástúrli dinder sezin shaqyrý jónindegi jahandyq bastamasyna tolyǵyraq toqtalyp ótti.
Budan bólek, forým delegattary memleket pen dinder arasyndaǵy ózara is-qımyldyń qazaqstandyq úlgisin qurý, azamattardyń ar-ojdan bostandyǵy quqyǵyn qamtamasyz etý jónindegi zańnamalyq bastamalar, barlyq zańdy dinı birlestiktermen syndarly yntymaqtastyqty qamtamasyz etý jáne el damýynyń zaıyrly prıntsıpterin nyǵaıtý jónindegi Qazaqstan Úkimeti qabyldap jatqan sharalar týraly habardar boldy.
«Elbasymyzdyń salıqaly saıasatynyń arqasynda Qazaqstan ártúrli dindi ustanatyn adamdardyń beıbit ómir súrýiniń ózindik, erekshe úlgisin qura aldy»- dep atap ótti B.Aryn.
Jalpy alǵanda, konferentsııaǵa qatysýshylar dinı bostandyqtar men dinı tájirıbeler, saıası, ekonomıkalyq jáne áleýmettik salalardaǵy adam quqyqtary, jeke adamdardyń jáne toptardyń quqyqtarynyń buzylýyna dinniń qatynasy, qasıetti jazbarlar men ósıetterdegi adam quqyqtary, dinı qundylyqtardy adam quqyqtary týraly zańnamaǵa engizýdiń tabysty tájirıbesi sııaqty biraqatar ózekti máselelerdi talqylady.
Іs-sharaǵa AQSh, Kanada, Shvetsııa, Italııa, Ulybrıtanııa, Belgııa, Malaızııa, Argentına jáne basqa da Eýropa, Arab, Azııa elderinen, sondaı-aq TMD memleketterinen kelgen dinder men órkenıetter dıalogy máselelerin zertteýmen aınalysatyn dinı qaıratkerler, ǵalymdar, teologtar, din jáne adam quqyqtary salasyndaǵy sarapshylar, quqyq qorǵaý baǵytyndaǵy túrli úkimettik emes uıymdar men ortalyqtardyń ókilderi qatysty.