Qazaqstandyq dárigerler «bir tereze» qaǵıdatymen jumys isteıdi

ASTANA. QazAqparat – Elimizde medıtsınalyq qyzmet kórsetý «bir tereze» qaǵıdatyna kóshpek. ıAǵnı, qyzmet bir jerden kórsetiledi. Bul týraly Densaýlyq saqtaý vıtse-mınıstri Beıbit Esenbaev málim etti, dep habarlaıdy QazAqparat tilshisi.

«Aqparattyq júıelermen jumys isteýde dárigerlerdiń júktemesin azaıtý mańyzdy. Medıtsına qyzmetkerleriniń júktemesin azaıtý úshin «bir tereze» qaǵıdaty iske qosylady. Bul dárigerlerdiń aqparat júıesine patsıentke qatysty derekterdi taǵy engizip, qaıtalaýǵa jol bermeıdi. Sondaı-aq, medıtsına qyzmetkeriniń patsıentke aldyn ala saýalnama júrgizý arqyly dárigerdiń qabyldaýyna jazylý tetigi qaralyp jatyr»,– dedi Beıbit Esenbaev ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, atalǵan sharalar medıtsına qyzmetkerleriniń jumys júktemesin jeńildete túsedi.

«Medıtsına qyzmetkerleriniń «bir tereze» qaǵıdatymen jumys isteýge kóshýi medıtsınalyq qyzmet kórsetý portaldarynda aqparat engizý qajettiligin boldyrmaý úshin kerek. Dáriger patsıenttiń qaı jerde tirkeýde turǵanyna qaramastan qyzmet kórsetedi. Al patsıent kedergisiz qajetti medıtsınalyq qyzmet alady», - deıdi ol.