Qazaqstandyq breıker álem chempıony atandy
14:56, 07 Qarasha 2021
NUR-SULTAN. QazAqparat – Óz salasynda B-Boy Mig degen laqap atpen tanylǵan qazaqstandyq Ámir Zákirov Red Bull BC One breıkıngten álem chempıonatynyń jeńimpazy atandy, dep habarlaıdy QazAqparat tilshisi.
Qazaqstandyq breıkıng sheberi aqtyq synǵa qatysqan 16 úmitkerdiń arasynda úzdik dep tanyldy.
Sheshýshi saıysta ol Kanadadan kelgen Philkwizard-qa qarsy shyqqan bolatyn. Álemniń túkpir-túkpirinen breıkerlerdiń basyn qosqan jarys Polshada ótti.
Red Bull BC One – álemdegi eń iri jáne bedeldi breıkıng jarysy. Jarystan áleýmettik jeli arqyly 7 tilde kórsetilim júrgizildi.