Qazaqstandyq boksshylardyń WBA-degi reıtıngi anyqtaldy

ASTANA. QazAqparat - Dúnıejúzilik boks qaýymdastyǵynyń (WBA) jańartylǵan reıtıngi shyqty, dep habarlaıdy QazAqparat.

«Qazaqstannyń kásipqoı boksy» VKontakte áleýmettik jelisinde jazýynsha, birinshi aýyr salmaqtaǵy boksshy Isa Aqberbaev (20-0, 15KO) óz dıvızıonynda 14-inshi oryndy saqtap qaldy.

Orta salmaqtaǵy Gennadıı Golovkın (38-1-1, 34KO) Saýl Alvaresten jeńilgennen keıin reıtıngtiń ekinshi satysyna ornalasty. Birinshi orynda Davıd Leme tur.

Al buǵan deıin jartylaı orta salmaq sanatynda 13-inshi pozıtsııany ıelenip kelgen Janqosh Turarov (22-0, 15KO) TOP-15-ten shyǵyp qaldy.

Eske salaıyq, birinshi orta salmaqta óner kórsetetin Qanat Islam (25-0, 20KO) WBA-diń ótken aıdaǵy reıtınginen shyǵyp qalǵan bolatyn