Qazaqstandyq boksshylardyń P4P reıtınginde Jaqııanovtyń ornyn Golovkın basty

ASTANA. QazAqparat - Diamond Ring saıty salmaq dárejesinen tys aı saıyn Qazaqstannyń eń úzdik 10 boksshysy anyqtalatyn jańa jobanyń qorytyndysyn jarııalady, dep habarlaıdy «QazAqparat» HAA tilshisi.

Qarasha aıynyń TOP-10 boksshysynyń kóshin ІVO, WBA Super, WBC, IBF álemdik beldikterine ıe Gennadıı Golovkın bastaǵan. Otandyq pancherge 10 respondenttiń toǵyzy daýys bergen. Qazan aıynyń qorytyndysy boıynsha úshinshi bolǵan WBA Inter-Continental, WBO NABO, WBO Inter-Continental, WBA Fedelatin tıtýldarynyń ıegeri Qanat Islam atalǵan boksshylar reıtınginde ekinshi orynnan kórinip otyr. Ótken aıda kósh bastaǵan jeńil salmaqtaǵy WBA Super jáne IBO nusqasy boıynsha chempıon Janat Jaqııanov Qazaqstandaǵy úzdik úshtikti túıindedi. Budan keıingi oryndardan Bekman Soılybaev pen Batyr Júkembaevty kórýge bolady.

Eske sala ketsek, qazaqstandyq boksshylardyń birinshi R4R reıtıngisi ótken aıda jasalǵan bolatyn. Golovkınniń kóshbasshylyǵy saqtalatyny nemese saqtalmaıtyny kelesi aıdaǵy reıtıngte belgili bolady.