Qazaqstandyq boksshylar Olımpıadaǵa 9 joldama utyp aldy

NUR-SULTAN. QazAqparat - Búgin Iordanııanyń Amman qalasynda bokstan Tokıo Olımpıadasyna irikteý týrnıriniń sońǵy jarys kúni ótýde. Qazaqstandyq Sáken Bıbosynov erler arasynda segizinshi, jalpy boks boıynsha toǵyzynshy joldamany qorjynǵa saldy, dep habarlaıdy Olympic.kz.

52 kelide judyryqtasqan Sáken shırek fınalda jeńilis tapqan bolatyn. Іrikteý básekesiniń erejesi boıynsha, bul salmaqta taǵy bir joldama sarapqa salyndy.

Bıbosynov shırek fınalda jeńilis tapqan Fılıppın ókili Karlo Paalammen qurlyqtyq týrnırdegi sońǵy joldamaǵa talasty.

Jekpe-jektiń úsh kezeńinde de tóreshiler jeńisti Sákenge berdi. Birinshi jáne úshinshi raýndta Bıbosynov 4:1 esebimen alǵa shyqsa, ekinshi aınalymda 3:2 esebimen basym tústi.

Osylaısha, Ǵalymbek Kenjebaev jattyqtyratyn bokstan Qazaqstan komandasy Tokıo Olımpıadasynyń múmkin bolǵanyn segiz joldamasyn da jeńip aldy.