Qazaqstandyq boksshylar «Kanelo» jekpe-jeginiń anderkardynda judyryqtasady

ASTANA. QazAqparat – Qazaqstandyq boksshylar Bek Nurmaǵanbet (8-0, 6 KO) pen Ábilhan Amanqul (2-0, 2 KO) kelesi jekpe-jekterin 6 mamyrda Gvadalaharada (Meksıka) ótkizedi, dep habarlaıdy QazAqparat Sports.kz portalyna silteme jasap.

Bastapqyda sportshylardyń rıngke 15 sáýirde AQSh-tyń Kalıfornııa shtatyndaǵy Pomona qalasynda shyǵatyny josparlanǵan edi. Biraq olardyń jekpe-jek kestesinde ózgeris jasalǵan sııaqty.

BoxRec.com saıtynyń habarlaýynsha, mamyr aıynda Nurmaǵanbet venesýelalyq Argenıs Espanıamen (15-1, 14 KO), al Amanqul Meksıka boksshysy Hesýs Moroıokı Palomarespen (7-2-1, 4 KO) judyryqtasady.
Shoýdyń basty kezdesýinde jergilikti juldyz Saýl «Kanelo» Alvares (58-2-2, 39 KO) brıtandyq Djon Raıderge (32-5, 18 KO) qarsy shyǵyp, ekinshi orta salmaqtaǵy absolıýtti chempıon tıtýlyn qorǵaıdy.
Aıta keteıik, eki qazaqstandyq boksshy qazir San-Dıegoda «Kanelomen» bir zalda jattyǵyp júr.