Qazaqstandyq boksshylar Germanııa jerinde ánuran oryndady

ASTANA. QazAqparat - Bokstan Qazaqstan ulttyq quramasy Germanııa jerinde ánuranymyzdy oryndady, dep habarlaıdy QazAqparat tilshisi.

Esterińizde bolsa, osyǵan deıin bas bapker Myrzaǵalı Aıtjanov QazAqparat tilshisine bergen shaǵyn suhbatynda Germanııada birlesken oqý-jattyǵý jumystaryn júrgizý úshin arnaıy kelgenin, atalmysh elge 15 boksshyny alyp kelgenin aıtqan bolatynbyz.

Onyń 10-y osy elde ótetin týrnırge qatysatynyn jáne beseýi Fınlıandııa elinde ótetin taǵy bir týrnırge attanatynyn aıtqan edik.

Búginde Qazaqstan quramasy Galla (Germanııa) jáne Helsınkıde (Fınlıandııa) ótetin halyqaralyq jarystarǵa daıyndyǵyn tolyǵymen aıaqtaǵany belgili boldy.

Al qalǵan jigitter Almatydaǵy AIBA akademııasynda jattyǵyp jatyr. Olardyń ishinen alty boksshymyz Bakýde ótetin «Jibek joly» týrnırine qatysady.

Endi, boksshylardyń Germanııa jerinde ánuran oryndaǵan vıdeosyn usynamyz.