Qazaqstandyq boksshylar Fılıppındegi Azııa chempıonatyna qatysady

ASTANA. QazAqparat - Bokstan jasóspirimder arasyndaǵy Azııa chempıonatyn bıyl Fılıppın qabyldaıdy. Qurlyqaralyq birinshilikke 20-dan astam memlekettiń sportshylary qatysqaly otyr.

«Keıingi jyldary biz azııalyq bokstyń damýyn baqylaýǵa aldyq. Alda ótetin jasóspirimder chempıonaty qarsańynda salystyrmaly túrde 2013 jyly Shymkentte ótken chempıonatqa 13 elden 98 adam, 2015 jyly Tashkentte 14 memleketten 103 boksshy qatysqandyǵyn atap ótýge bolady. Bıylǵy jyly atletter sany 160-tan asady dep kútilýde», - dedi Azııa  boks konfederatsııasynyń atqarýshy dırektory Baǵdáýlet Tórehanov.

Qurlyqaralyq boks uıymynyń málimetinshe, bıylǵy týrnırge Nepal jáne Saýd Arabııasy komandalary alǵash ret qatyspaqshy.

Komandalarynyń tolyq quramdary jaıly azııalyq óńirdiń kóshbasshylary -Qazaqstan, Ózbekstan jáne Ońtústik Koreıa elderi málim etti.

Chempıonat Pýerto-Prınsesa qalasynda 1 - 7 tamyz aralyǵynda ótedi.