Qazaqstandyq boksshylar álem chempıonatyna attanady

NUR-SULTAN. QazAqparat - QR Qorǵanys mınıstrliginiń áskerı sportshylary Reseıde 20-shy márte ótkeli otyrǵan bokstan álem chempıonatyna qatysady, dep habarlaıdy QR QM baspasóz qyzmeti.

Álemdik birinshilikte elimizdiń namysyn 2017 jylǵy bokstan álem chempıony atanǵan kishi serjant Qaırat Eralıev jáne Qazaqstannyń eki dúrkin chempıony, halyqaralyq jarystardyń jeńimpazy AOSK-nyń merzimdi áskerı qyzmetshisi, qatardaǵy jaýynger Sáken Bıbosynov qorǵaıdy.

Baıraqty doda 7–12 qyrkúıek aralyǵynda Ekaterınbýrgtaǵy halyqaralyq arenada ótedi.

Osy jyly jarysqa 91 eldiń 488 bylǵary qolǵap sheberi baq synaıdy. Bul chempıonat tarıhyndaǵy qatysýshylar sany jaǵynan rekordtyq kórsetkish. Odan basqa, 2020 jyly olımpıadalyq bolatyn 8 salmaq dárejesi boıynsha alǵash ret jekpe-jek ótedi.