Qazaqstandyq boksshy ýkraınalyq qarsylasyn aýyr nokaýtqa jiberdi

NUR-SULTAN. QazAqparat – Qazaqstandyq boksshy Nursultan Amanjolov (3-0, 2 KO) profı-rıngte úshinshi aıqasyn ótkizdi, dep habarlaıdy QazAqparat Sports.kz portalyna silteme jasap.

Nursultan Almatyda ótken boks keshinde óner kórsetip, ýkraınalyq Semen Pahomovpen (2-16, 2 KO) qolǵap túıistirdi.

Sýperaýyr salmaqtaǵy jekpe-jek alty raýndqa eseptelgen bolatyn. Alaıda, sońǵy mejesine deıin jetken joq. Úshinshi raýndta N.Amanjolov shapshań kombınatsııa jasap, ony opponentiniń baýyr tusyna qatty soqqymen aıaqtady.

Aýyr nokaýtqa túsken S.Pahomov uzaq ýaqytqa deıin esin jııa almaı jatty.

Osylaısha, Nursultan Amanjolov kásipqoı bokstaǵy tórtinshi jeńisine qol jetkizdi. Al Semen Pahomov 17-inshi ret jeńilis tapty.