Qazaqstandyq boksshy Qýan Qýatov Islam oıyndarynyń qola júldegeri atandy
17:37, 17 Mamyr 2017
BAKÝ. QazAqparat - Bakýde ótip jatqan IV Islam yntymaqtastyq oıyndarynda 64 kg deıingi salmaqta qazaqstandyq boksshy Qýan Qýatov ózbekstandyq Alıer Nýralıevqa ese jiberip, qola júldeni mise tutty. Bul týraly «QazAqparat» HAA Ázerbaıjandaǵy menshikti tilshisi habarlaıdy.
Budan basqa taǵy bir qazaqstandyq bylǵary qolǵap sheberi Tursynbaı Qulahmetov kamerýndyq qarsylasyn aıqyn basymdylyqpen jeńip, fınalǵa shyqty. Sondaı-aq keshki sessııada elimizdiń taǵy úsh sportshysy medal úshin básekege túsedi.
Eske sala keteıik, 12-22 mamyr aralyǵynda Ázerbaıjan astanasy Bakýde IV Islam yntymaqtastyq oıyndary ótýde. Oıyndarǵa 54 elden shamamen 3500 sportshy qatysýda. Qazaqstan atynan bes baǵyt boıynsha 32 sportshy el namysyn qorǵaýda.