Qazaqstandyq boksshy Gúlsaıa Erjan álem chempıonatyndaǵy alǵashqy jekpe-jegin sátti ótkizdi

YSTANBUL. QazAqparat - Bokstan áıelder arasyndaǵy álem chempıonatynda búgin Gúlsaıa Erjan alǵashqy jekpe-jegin ótkizdi, dep habarlaıdy QazAqparat tilshisi.

Túrkııanyń Ystanbul qalasynda ótip jatqan álem chempıonatynda Gúlsaıa Erjan (81 keli) ýkraınalyq Olesıa Krysıýkpen qolǵap túıistirdi.

Jekpe-jek barysynda qazaqstandyq boksshy senimdi oıyn kórsetti. Nátıjesinde ol jarysty jalǵastyrýǵa múmkindik aldy.

Sondaı-aq, búgin Lázzat Kúngeıbaeva (81 keliden joǵary) túrkııalyq Shennýr Demırmen jekpe-jekke shyǵady.

Eske salsaq, budan buryn el quramasynan Valentına Halzova (70 keli) alǵashqy bolyp shırek fınalǵa joldama aldy.

Oǵan qosa qazaqstandyq Alýa Balqybekova (48 keli), Jaına Shekerbekova (52 keli), Dına Jolaman (54 keli), Karına Ibragımova (57 keli alǵashqy jekpe-jegin sátti ótkizdi.

Al Nazym Qyzaıbaı (50 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli) men Nadejda Rıabets (75 keli) jarys jolynan shyǵyp qaldy.