Qazaqstandyq boksshy Angelına Lýkas WBC ataǵyn jeńip aldy

ASTANA. QazAqparat – Qazaqstandyq boksshy Angelına Lýkas (3-0, 2 KO) Ystanbulda (Túrkııa) ótken boks keshinde óner kórsetti, dep habarlaıdy QazAqparat Sports.kz. saıtyna silteme jasap.

Angelına meksıkalyq Anna Arrasolamen (28-16-3, 14 KO) judyryqtasty. Bul kezdesý jeńil salmaqta ótti jáne ol 2 mınýtan 10 raýndqa eseptelgen bolatyn. Jeńimpaz WBC International cheımıony ataǵyn jeńip alýy tıis edi. Jekpe-jek berilgen ýaqytta tóreshiler sheshimimen Angelınanyń jeńisimen aıaqtaldy.

Osylaısha, Angelına Lýkas kásibı rıngtegi 4-shi jeńisine qol jetkizdi. Al Anna Arrasola bolsa, óz karerasynda 17-shi ret jeńildi.