Qazaqstandyq boksshy Álı Ahmedov WBC jáne IBF tıtýldarynyń ıegeri atandy

ASTANA. QazAqparat – Ekinshi orta salmaqtaǵy qazaqstandyq boksshy Álı Ahmedov (19-1, 14 KO) 18 qyrkúıekte jeńip alǵan WBC Silver jáne IBF North American chempıony tıtýldarynyń jeke ıegeri atandy, dep habarlaıdy QazAqparat Sports.kz saıtyna silteme jasap.

Joǵaryda atalǵan belbeýler úshin jekpe-jekte Ahmedov tájirıbeli amerıkalyq Gabrıel Rosadony (26-16-1, 15 KO) tóreshilerdiń biraýyzdan sheshimimen jeńdi. Jekpe-jek Las-Vegasta Gennadıı Golovkın-Saýl «Kanelo» Alvares III shoý aıasynda ótti.

Aıqastan keıin úsh aptadan soń qazaqstandyqqa júldeleri tabys etildi. Alı tıtýldarynyń sýretin Instagram Stories-te jarııalady.

Álı Ahmedov – Golovkın negizin qalaǵan GGG Promotions promoýterlik kompanııasynyń boksshysy.

Foto: sports.kz