Qazaqstandyq boksshy álem chempıony ataǵy úshin jekpe-jek ótkizedi

ASTANA. QazAqparat - 5 qarasha kúni AQSh-taǵy Armory arenasynda (Mınnesota, AQSh) PBC jáne Showtime boks keshi ótedi. Keshte WBA Regular nusqasy boıynsha kýbalyq álem chempıony Davıd Morrel (7-0, 6 KO) chempıondyq ataqqa úmitker qazaqstandyq Aıdos Erbosynulymen (16-0, 11 KO) kezdesedi, dep habarlaıdy QazAqparat Sports.kz saıtyna silteme jasap.

Boks keshin uıymdastyrýshylar aldaǵy shara týraly resmı túrde jarııalady.

«WBA nusqasy boıynsha sýper orta salmaqta chempıon Davıd Morrel 5 qarashada ózi sııaqty jeńilip kórmegen chempıondyq ataqqa úmitker Aıdos Erbosynulymen 12 raýndtyq jekpe-jekte kezdesedi», - delingen RVS habarlamasynda.

Negizgi jekpe-jek WBA Super, IBF jáne IBO tujyrymdary boıynsha AQSh-tan shyqqan álem chempıony Djeıson Rosarıo (23-3-1, 17 KO) men jeńilip kórmegen kýbalyq boksshy Ioelvıs Gomes (6-0, 5 KO) arasynda ótedi.

Foto: sports.kz