Qazaqstandyq boksshy AQSh-ta jeńilip kórmegen qarsylaspen judyryq túıistiredi

ASTANA. QazAqparat – Qazaqstandyq kásipqoı boksshy Aıdyn Eljanovtyń (6-1-1, 4 KO) AQSh-ta qaı kúni judyryqtasatyny belgili boldy. Onyń osy aıdyń sońyna josparlanǵan jekpe-jegi ótkizilmeı qalǵan edi, dep habarlaıdy QazAqparat Sports.kz portalyna silteme jasap.

Boksshy 22 shildede Long-Bıchte (Kalıfornııa shtaty, AQSh) boks keshinde rıngke shyǵýy tıis edi, biraq jekpe-jek belgisiz sebeptermen ótkizilmeıtin boldy.

BoxRec.com aqparatynsha, Aıdynnyń endigi jekpe-jegi 26 tamyzda Kommerste ótkiziledi. Onyń qarsylasy – jeńilip kórmegen amerıkalyq boksshy Endı Beltran (6-0, 3 KO). Jekpe-jek ekinshi eń jeńil salmaq dárejesinde ótedi, kezdesý alty raýndqa deıin sozylady.

A. Eljanovtyń buǵan deıingi sońǵy jekpe-jegi 1 sáýir kúni Long-Bıchte ótti. Onda tóreshilerdiń sheshimimen ol meksıkalyq boksshy Hýan Ernandes Martınespen (2-2-2) teń túsken.