Qazaqstandyq boksshy AQSh-ta álem chempıony ataǵy úshin jekpe-jek ótkizedi

salmaqta WBA nusqasy boıynsha «turaqty» álem chempıony ataǵy úshin jekpe-jek ótedi. Onda qazaqstandyq boksshy Aıdos Erbosynuly (16-0, 11 KO) men kýbalyq Davıd Morrel (7-0, 6 KO) judyryqtasady, dep habarlaıdy QazAqparat.

Erbosynuly — Morrel jekpe-jeginiń tikeleı kórsetilimi Astana ýaqyty boıynsha saǵat 08:00-de bastalady, «Habar» telearnasynda kórsetiledi.

Bir kún buryn boksshylar jekpe-jek aldynda salmaq ólsheý rásiminen ótti.
Aıdos Erbosynuly sońǵy ret rıngke bir jyldan astam ýaqyt buryn, 2021 jyldyń qyrkúıeginde shyqty. Onda ol Astanada Gaıana sportshysy Lennoks Allenmen (22-2-1, 14 KO) jekpe-jek ótkizip, onynshy raýndta nokaýtpen jeńiske jetken bolatyn. Devıd Morrelge keletin bolsaq, kýbalyq boksshy maýsym aıynda jekpe-jek ótkizip, tórtinshi raýndta amerıkalyq Kelvın Hendersondy (15-2-1, 11 KO) nokaýtqa jibergen edi.
Aıta keteıik, Oberhaýzendegi boks keshiniń anderkartynda qazaqstandyq boksshy Abylaıhan Júsipov (2-0, 1KO) óner kórsetedi, ol amerıkalyq boksshy Demarkýs Leıtonmen (8-3-1, 5 KO) judyryqtasady. Olardyń jekpe-jegi jartylaı orta salmaqta ótedi jáne alty raýndqa josparlanǵan.