Qazaqstandyq bochchashylar para Azııa oıyndaryna shaqyrý aldy

ASTANA. QazAqparat – Otandyq 5 bochchashy kúzde ótetin Paraazııalyq oıyndarǵa shaqyrý aldy. Bul týraly elordanyń Paralımpıada ortalyǵynda ótken Qazaqstan bochcha quramasynyń oqý-jattyǵýy barysynda belgili boldy, dep habarlaıdy QazAqparat tilshisi.

«Bıyl 22-28 qazan aralyǵynda para Azııa oıyndary ótedi. Atalǵan jarysqa 5 qazaqstandyq sportshy halyqaralyq bochcha federatsııasy men Azııa paralımpıada komıteti maquldaǵan ekijaqty shaqyrý aldy. Mádenıet jáne sport mınıstrligi, Qazaqstan bochcha federatsııasy jáne Týrızm men sportty qoldaý qorynyń qoldaýymen Qazaqstan bochchashylary osy Paraazııalyq oıyndarda el namysyn qorǵaıdy», - delingen habarlamada.

Parlament Senatynyń tóraǵasy – Qazaqstan bochcha federatsııasynyń prezıdenti Máýlen Áshimbaev parasportshylarǵa sáttilik tiledi.

«Bizdiń sportshylardyń aldynda jańa múmkindikter ashylýda. Alda para Azııa oıyndary kele jatyr. Biz oǵan qatysamyz. Bıyl biz paralımpıada oıyndaryn damytýdyń jańa kezeńine óttik. Otandyq sportshylar halyqaralyq dodalarda óz sheberligin kórsetedi. Bul óte mańyzdy kezeń, sizderge sáttilik tileımin. Biz jaǵdaıdy naqty baǵalaımyz, tyńǵylyqty daıyndyqtyń kerek ekenin kórip otyrmyz», - dedi Máýlen Áshimbaev bochchadan ulttyq qurama múshelerimen kezdesýi barysynda.