Qazaqstandyq bıznes elektrondyq memlekettik satyp alý úderisine belsendi aralasa bastady

ASTANA. Mamyrdyń 20-sy. QazAqparat - www.goszakup.gov.kz portalynda ornalastyrylǵan aqparattarǵa sáıkes, qazaqstandyq bıznes memlekettik satyp alý úderisine belsene aralasa bastaǵandyǵyn kórsetedi,

dep habarlaıdy QazAqparat.

Bıylǵy jylǵy mamyrdyń 17-degi jaǵdaı boıynsha, portalda memlekettik satyp alýǵa qatysýǵa nıet bildirgen 61 374 sýbekt tirkelgen. Solardyń ishinde tapsyrys berýshilerdiń sany - 20 725.

«Memlekettik satyp alý» saıtyna 2008 jyly 500 jetkizýshi kompanııalar tirkelgen bolsa, 2009 jyly olardyń sany qarqyndy túrde ósip, shamamen 14 myńǵa taıap qaldy. Al 2010 jyldyń alǵashqy aılarynda jetkizýshi kompanııalar sany 30 myńǵa jetti.

Elektrondyq alańda memlekettik satyp alýǵa qatysty barlyǵy 2 046 943 lot jarııalanǵan.