«Qazaqstandyq birikken aralas jekpe-jek federatsııasyna» jańa basshy saılandy
Bul týraly qazaqstandyq birikken aralas jekpe-jek federatsııasynyń baspasóz qyzmeti málim etti.
Kezdesýge QR Mádenıet jáne sport mınıstri Raıymqulova Aqtoty, Qazaqstannyń Jaýyngerlik óner qaýymdastyǵynyń prezıdenti Ánýar Sadyqulov, «Qazaqstandyq birikken aralas jekpe-jek federatsııasy» prezıdenti Esenov Ǵalymjan, «QazMunaıGaz» UK AQ Basqarma tóraǵasy Alık Aıdarbaev jáne quryltaı keńesiniń músheleri qatysty.
Federatsııanyń bas dırektory Valıhan Ten uıymnyń ótken jylǵy jumysyn qorytyndylady. Kún tártibiniń basty máselesi - «Qazaqstandyq birikken aralas jekpe-jek federatsııasy» prezıdentin saılaý boldy.
Atalǵan qyzmetke «QazMunaıGaz» UK AQ Basqarma tóraǵasy Alık Aıdarbaev usynyldy. Jańa prezıdentti saılamas buryn jınalǵandar aralas jekpe-jektiń elimizdegi áleýeti týraly aıtyp ótti.
QR Mádenıet jáne sport mınıstri Aqtoty Raıymqulova elimizde aralas jekpe-jektiń qarqyndy damyp kele jatqanyn atap ótti.
«Olımpıadalyq emes sport túrleri damyp jatqan kezde sporttyq federatsııalardyń jumysyn birizdendirý mańyzdy. Búgingi tańda elimizde buqaralyq sport túrleri jaqsy damyp keledi. Bul baǵytta aralas jekpe-jek federatsııalarynyń basyn biriktirip ony basqaryp otyrǵan Ǵalymjan Shahmardanulynyń jumysyn atap ótý kerek,», - dedi Aqtoty Raıymqulova.
Jıynda Qazaqstannyń Jaýyngerlik óner qaýymdastyǵynyń prezıdenti Ánýar Tóleýhanuly elimizdiń halyqaralyq sporttyq ımıdjin qalyptastyrýdaǵy aralas jekpe-jektiń mańyzdylyǵyn atap ótti.
Qazaqstandyq birikken aralas jekpe-jek federatsııasy bas dırektory Valıhan Ten uıymnyń ótken jylǵy jumysyn qorytyndylap, jańa jylǵa josparlary týraly aıtty.
Aıta keteıik, kún tártibinde Qazaqstandyq birikken aralas jekpe-jek federatsııasynyń jańa basshysyn saılaý máselesi turǵan bolatyn. Atalǵan qyzmetke «QazMunaıGaz» UK AQ Basqarma tóraǵasy Alık Aıdarbaev saılandy.