Qazaqstandyq bıatlonshy Paralımpıadada óner kórsetti

BEIJІŃ. QazAqparat - Qysqy Paralımpıada oıyndarynda bıatlonnan erler arasynda 12,5 shaqyrymǵa otyryp jarysý saıysy ótti. Oǵan qazaqstandyq sportshy Sergeı Ýsoltsev qatysty, dep habarlaıdy QazAqparat Sports.kz-ke siltememen.

Jarys qorytyndysy boıynsha Ýsoltsev 15-oryn aldy. Ol bir ret nysanany dál kózdeı almady, jeńimpazdan +8:21.8 ýaqytqa qalyp qoıdy.

Qytaılyq Lıý Mentao jeńimpaz atansa, ýkraınalyq parabıatlonshy Taras Rad - kúmis, qytaılyq Lıý Tszysıý qola júlde aldy.

Eske sala keteıik, Paralımpıada-2022 oıyndarynda Qazaqstan qorjynynda bir qola medal bar. Ony parabıatlonda Aleksandr Gerlıts jeńip aldy.

Beıjińdegi Paralımpıada oıyndary 13 naýryzda aıaqtalady. Qazaqstannan jarysqa sporttyń eki túri - parashańǵy men parabıatlonnan 13 atlet qatysyp jatyr.