Qazaqstandyq bıatlonshy Eremın Ýnıversıadanyń qola medalin jeńip aldy
15:15, 02 Aqpan 2017
ALMATY. QazAqparat - Qazaqstandyq bıatlonshy Roman Eremın 10 shaqyrymdyq sprıntten «qola» medal oljalady, dep habarlaıdy «QazAqparat» HAA tilshisi.
Jeńimpazdardyń úshtiginde: reseılik sportshylar Semen Sýchılov pen Dmıtrıı Ivanov, sondaı-aq qazaqstandyq Roman Eremın bar.
Eske sala keteıik, 31 qańtarda bıatlonshy Alına Raıkova 15 shaqyrymdyq jekeleı saıysta Qazaqstanǵa alǵashqy altyndy áperdi. Ekinshi altyndy sol kúni qazaqstandyq frıstaılshy dýet Janbota Aldabergenov pen Baǵlan Іńkárbek aralas komandalyq akrobatıka saıysynda alǵan bolatyn.
Qazaqstan quramasynyń qorjynynda barlyǵy 5 «altyn», 2 kúmis jáne 5 qola medal bar.