Qazaqstandyq benzın Eýroodaq standarttymen sertıfıkattaldy

ATYRAÝ. QazAqparat –Atyraý munaı óńdeý zaýytynda shyǵarylatyn benzın Eýroodaqstandarttymen sertıfıkattaldy, dep habarlaıdy QazAqparat.

«AMÓZ» JShS qoǵammen baılanys qyzmetiniń málimetinshe, qazaqstandyq ónim REACH

sertıfıkatyn ıelenip, Eýroodaq naryǵyna ımporttaýǵa arnalǵan hımııalyq zattar men

olardyń qospalarynyń sapa deńgeıin baǵalaýdyń tolyq rásiminen ótken.

«REACH reglamentine sáıkes, Eýroodaqta jylyna 1 tonnadan astam mólsherde óndiriletin nemese ımporttalatyn kez kelgen hımııalyq zat tirkeýge jatady. REACH sertıfıkaty – eýroaımaq elderi úshin tirkelgen benzın ımporttaýshysy bolyp tabylatyn qazaqstandyq kásiporynnyń eksporttyq múmkindigin damytýdaǵy mańyzdy qadam.

Byltyrǵy sáýirde AMÓZ óndirisindegi hosh ıisti kómirsýtekteri – benzol jáne paraksılol

REACH sertıfıkattaýynan ótti. Al, benzın Eýropalyq sapa standarttaryna sáıkestigi

rastalǵan kásiporynnyń úshinshi ónimi bolyp otyr», -dep habarlady kásiporynnyń qoǵammen baılanys qyzmetinen.

REACH sertıfıkaty Atyraýda shyǵarylǵan janarmaıǵa Eýroodaq elderiniń naryǵyna

jol ashady. Óıtkeni, qujat Eýroaımaq aýmaǵynda moıyndalǵan.